کوشش ہوگی کہ انگلینڈ کے خلاف اسی مومینٹم کو برقرار رکھیں،بابر اعظم

ڈبلن (قیوم زاہد ) قومی کرکٹ ٹیم کے کپتان بابر اعظم کا کہنا ہے کہ آئرلینڈ کے خلاف سیریز سے کارکردگی میں بہتری آئی ۔
قومی ٹیم کے کپتانب بابر اعظم کا کہنا ہے کہ پہلے میچ کے بعد ٹیم کی بیٹنگ میں کافی بہتری آئی ہے۔ انفرادی کارکردگی میں رضوان اور فخر نمایاں رہے۔
ان کا مزید کہنا تھا کہ لوئر آرڈر میں افتخار اور اعظم خان کی بیٹنگ خوش آئند ہے۔نے والی سیریز میں بھی آپ کو مثبت ارادے نظر آئیں گے۔بولنگ میں پہلے میچ کے بعد سینئر بولرز نے ذمہ داری لی ۔
کپتان قومی ٹیم بابراعظم نے کہا کہ عماد وسیم مشکل صورتحال میں بہت اچھی بولنگ کررہے ہیں۔جو بھی پلان ہے اس پر اب عمل درآمد ہورہا ہے۔ کوشش ہوگی کہ انگلینڈ کے خلاف اسی مومینٹم کو برقرار رکھیں۔ انگلینڈ کے خلاف اچھی کرکٹ دیکھنے کو ملے گی۔