ولیمسن کی ڈبل سنچری ،نیوزی لینڈ نے 612رنز پر اننگز ڈیکلیئرکردی

کراچی (پاک ترک نیوز) کراچی ٹیسٹ میں نیوزی لینڈ کے بیٹر کین ولیمسن ڈبل سنچری بنانے میں کامیاب ،نیوزی لینڈ نے پہلی اننگز 612رنزپر ڈیکلیئرکردی ۔نیوزی لینڈ کو پاکستان کیخلاف 174رنز کی برتری حاصل ہو گئی۔
پاکستان اور نیوزی لینڈ کے درمیان دو ٹیسٹ میچوں کی سیریز کے پہلے ٹیسٹ میچ میں نیوزی لینڈ نے پاکستان کیخلاف 9وکٹوں کے نقصان پر 612رنز پر ڈیکلیئر کردی۔
نیوزی لینڈ کی جانب سے کین ولیمسن نے شاندا ر اننگز کھیلی اور ڈبل سنچری بنانے میں کامیاب ہوئے ۔ولیمسن نے 200رنز بنائے۔ٹام لیتھم نے 113اور کانوائے نے 92رنز کی اننگز کھیلی ۔
پاکستان کی جانب سے ابرار احمد نے پانچ ،نعمان علی نے تین کھلاڑیوں کو آئوٹ کیا۔
پاکستان نے اپنی پہلی اننگز میں 348رنز بنائے تھے کپتان بابر اعظم 161،آغا سلمان 103جبکہ سرفراز احمد 86رنز بنا سکے تھے۔
نیوزی لینڈ کی جانب سے سائوتھی نے تین جبکہ پٹیل ،سودھی اور بریسویل نے ددو د کھلاڑیوں کو آئوٹ کیا تھا۔