ورلڈ چیمپئن شپ آف لیجنڈز ،پہلے سیمی فائنل پاکستان کی ویسٹ انڈیز کیخلاف تیسری وکٹ بھی گر گئی

نارتھمپٹن (پاک ترک نیوز) انگلینڈ کی میزبانی میں جاری ورلڈ چیمپئن شپ آف لیجنڈز کے پہلے سیمی فائنل میں پاکستان کی ویسٹ انڈیز کیخلاف بیٹنگ جاری ہے ۔پاکستان کی دوسری وکٹ بھی 10رنز پر گر گئی ۔
تفصیلات کے مطابق نارتھمپٹن میں جاری پہلے سیمی فائنل میں ویسٹ انڈیز نے ٹاس جیت کر پہلے بائولنگ کا فیصلہ کیا ۔ پاکستان کوپہلا نقصان اس وقت اٹھانا پڑا جب شرجیل خان بغیر کوئی رن بنائے آئوٹ ہوگئے ۔ دوسری وکٹ 10کے سکور پر گری جب صہیب مقصود بھی ایک رنز بنا کر آئوٹ ہوگئے ۔شعیب ملک بھی بغیر کوئی رن بنائے پویلین لوٹ گئے ۔
ویسٹ انڈیز کی جانب سے ٹینو بیسٹ نے دو جبکہ جروم ٹیلر نے ایک وکٹ حاصل کی ہے ۔یونس خان اور کامران اکمل کریزپر موجود ہیں ۔
یاد رہے کہ ورلڈ چیمپئن شپ آف لیجنڈز کا دوسری سیمی فائنل آج رات ساڑھے آٹھ بجے بھارت اور آسٹریلیا کے درمیان کھیلا جائے گا ۔