ورلڈ کپ :بنگلہ دیش کی بھارت کیخلاف چوتھی وکٹ بھی گر گئی

پونے (پاک ترک نیوز) آئی سی سی ورلڈ کپ 2023کے 17ویں میچ میں بنگلہ دیش کی بھارت کیخلاف چوتھی وکٹ بھی گر گئی ۔
تفصیلات کےمطابق بھارتی شہر پونے میں جاری آئی سی سی ورلڈ کپ 2023کے 17ویں میچ میں بنگلہ دیش نے بھارت کیخلاف ٹاس جیت کر پہلے بیٹنگ کا فیصلہ کیا ۔
بنگال ٹائیگرز نے 30اوورز میں چار وکٹوں کے نقصان پر 143رنز بنائے ہیں۔ توحید 7جبکہ مشفق الرحیم 4رنز بنا کر کریز پر موجود ہیں ۔
بنگلہ دیشی اوپنرز نے 93رنز کی شراکت قائم کی اور تنزید حسن 51رنز بنا کر پویلین لوٹ گئے ۔ دوسرے آئوٹ ہونیوالے بلے باز نجم الحسن تھے جنہوں نے 8رنز بنائے ۔
مہدی حسن مرزا 3رنز بنا کر پویلین لوٹ گئے جبکہ چوتھےآئوٹ ہونیوالے بلے باز لٹن داس تھے جنہوں نے 66رنز کی اننگز کھیلی ۔
بھارت کی جانب سے جدیجہ نے دو جبکہ سراج اور کلدیپ نے ایک ایک وکٹ حاصل کی ۔