ورلڈ کپ : انگلینڈ کی نیدر لینڈز کیخلاف بیٹنگ جاری

پونے (پاک ترک نیوز) آئی سی سی ورلڈ کپ 2023کے 40ویں میچ میں انگلینڈ کی نیدر لینڈز کیخلاف بیٹنگ جاری ہے ۔
تفصیلات کے مطابق بھارتی شہر میں کھیلے جا رہے آئی سی سی ورلڈ کپ 2023کے 40وی میچ میں انگلینڈ نے نیدر لینڈز کیخلاف ٹاس جیت کر پہلے بیٹنگ کا فیصلہ کیا ۔
انگلینڈ کی جانب سے ڈیوڈ ملان اور جونی بیرسٹو نے اننگز کا آغاز کیا ۔ انگلش ٹیم نے بغیر کوئی وکٹ گنوائے 3اوورز کے اختتام پر 29رنز بنا لئے ہیں ۔
ڈیوڈ ملان 20جبکہ جونی بیرسٹو 7رنز بنا کر یز پر موجود ہیں ۔ دونوں ٹیمیں میگا ایونٹ میں سیمی فائنل سے باہر ہو چکی ہیں تاہم چیمپئنز ٹرافی 2025میں شرکت کیلئے دونوں ٹیموں کیلئے یہ میچ اہمیت کا حامل ہے ۔