ورلڈ کپ : پاکستان کی افغانستان کیخلاف پہلی وکٹ گر گئی

چنئی (پاک ترک نیوز) آئی سی سی ورلڈ کپ 2023کے 22ویں میچ میں پاکستان کی افغانستان کیخلاف پہلی وکٹ 56رنز پر گر گئی۔
تفصیلات کے مطابق بھارتی شہر چنئی میں جاری آئی سی سی ورلڈ کپ 2023کے 22ویں میچ میں پاکستان نے ٹاس جیت کر پہلے بیٹنگ کا فیصلہ کیا ۔۔
پاکستان کی جانب سے عبداللہ شفیق اور امام الحق نے اننگز کا آغاز کیا ۔امام الحق 56رنز کے مجموعی سکور پر 17رنز بنا کر پویلین لوٹ گئے ۔
پاکستان نے 11.3اوورز میں 64رنز بنا لئے ہیں ۔عبداللہ شفیق 31جبکہ کپتان بابر اعظم 7رنز بنا کر کریز پر موجود ہیں ۔
افغانستان کی جانب سے نوین الحق نے وکٹ حاصل کی ۔
دونوں ٹیمیں اب تک میگا ایونٹ میں چار چار میچز کھیل چکی ہیں پاکستان نے دو میں کامیابی حاصل کی جبکہ اسے دو میں شکست کا سامنا کرنا پڑا ۔ افغان ٹیم چار میں سے صرف ایک میچ جیتنے میں کامیاب ہوئی اور پوائنٹس ٹیبل پر آخری نمبر پر موجود ہے ۔