ورلڈ کپ : پاکستان کیخلاف سری لنکا کی بیٹنگ جاری

حیدر آباد (پاک ترک نیوز) آئی سی سی ورلڈ کپ 2023کے آٹھویں میچ میں سری لنکا کی پاکستان کیخلاف بیٹنگ جاری ہے ۔
تفصیلات کے مطابق بھارتی شہر حیدر آباد میں ورلڈ کپ کے میچ میں سری لنکا نے ٹاس جیت کر پہلے بیٹنگ کا فیصلہ کیا ۔سری لنکن ٹیم نے 22اوورز میں 2وکٹوں کے نقصان پر 154رنز بنائے ہیں۔
کوشال مینڈس 68جبکہ سمارا وکرما 28رنز بنا کر کریز پر موجود ہے ۔کوشال پریرا بغیر کوئی رن بنائے آئوٹ ہوئے جبکہ نشاکا 51رنز بنا کر پویلین لوٹ گئے ۔
پاکستان کی جانب سے حسن علی اور شاداب خان نے ایک ایک کھلاڑی کو آئوٹ کیا ۔
یاد رہے کہ پاکستان نے میگا ایونٹ میں اپنے پہلے میچ میں نیدر لینڈز کو شکست دی تھی جبکہ سری لنکا سائوتھ افریقہ سے اپنا پہلا میچ ہار گیا تھا ۔
ورلڈ کپ میں روایتی حریفوں پاکستان اور بھارت کے درمیان ہائی وولٹیج میچ 14اکتوبر کو احمد آباد میں کھیلا جائے گا ۔