لاس اینجلس (پاک ترک نیوز)شوبز کی دنیا میں سال کے پہلے بڑے گریمی ایوارڈز کی تقریب کو امریکہ میں اومیکرون کے تیزی سےپھیلاؤ کے مد نظر آئندہ تاریخ کے اعلان تک ملتوی کر دیا گیا ہے۔
گذشتہ روزجاری ہونے والےبیان میں گریمی کے منتظم ادارے ریکارڈنگ اکیڈمی نے اعلان کیا ہے کہ 31 جنوری کو لاس اینجلس میں منعقد ہونے والی ایوارڈز کی تقریب کو اومیکرون کے ملک میں تیزی سے پھیلاؤ کے مدنظر آئندہ تاریخوں تک ملتوی کر دیا گیا ہے۔
نئے نام کرپٹو ڈاٹ کام ایرینا اور نئی سج دھج کے ساتھ شرکا کو مسحور کرنے کے لئے تیار ہال میں 31 جنوری کوبیک ٹو نارمل شو کا انعقاد کیا جانا تھا ۔ ریکارڈنگ اکیڈمی نے کہاہے کہ اس نے تقریب کو ملتوی کرنے کا فیصلہ ازخود نہیں کیا۔ بلکہ اس میں لاس اینجلس کی شہری حکومت، کیلیفورنیا کی ریاستی حکومت ، ماہرین صحت اور خود فنکار برادری کی مشاورت بھی شامل ہے۔