آئرلینڈ ویمنز ٹیم کا دورہ پاکستان ، پاکستانی خواتین ٹیم کا اعلان کردیا گیا

لاہور(پاک ترک نیوز) آئرلینڈ ویمنز ٹیم کا دورہ پاکستان کیلئے 15رکنی قومی خواتین ٹیم کا اعلان کردیا گیا ۔پاکستان ویمنز سکواڈ میں فاطمہ ثنا کی واپسی ہوئی ہے جبکہ ڈیانا بیگ انجری کے باعث شامل نہیں ہیں۔
دونوں ویمنز ٹیم کے درمیان سیریز 4سے 16نومبر تک لاہور میں کھیلی جائے گی ۔ آئرش ویمنز ٹیم اپنے دورہ کے دوران 3ٹی ٹونٹی اور تین ایک روزہ میچز کھیلے گی ۔
قومی اسکواڈ کی قیادت بسمہ معروف کریں گی جبکہ ایمن انور، عالیہ ریاض، فاطمہ ثنا، غلام فاطمہ، کائنات امتیاز، منیبہ علی، نشرہ سندھو، ندا ڈار، عمیمہ سہیل، صدف شمس اور سعدیہ اقبال سکواڈ میں شامل ہیں۔
عائشہ نسیم، سدرہ امین، سدرہ نواز اور امِ ہانی کو بھی 15 کھلاڑیوں پر مشتمل اسکواڈ کا حصہ بنایا گیا ہے۔