آذربائیجان اور آرمینیا میں مزید قیدیوں کا تبادلہ

آذربائیجان اور آرمینیا میں جنگی قیدیوں کا تبادلہ ہوا ہے۔ نیگورنو کاراباخ میں تعینات روسی امن فوج کے کمانڈر رستم مرادوف کے مطابق، ایک آذربائیجانی اور 5 آرمینیا کے قیدیوں کا تبادلہ ہوا ہے۔ 10 نومبر کو طے پانے والے جنگ بندی معاہدے کے تحت، اب تک آذربائیجان کی جانب سے آرمینیا کے 64 قیدیوں کو رہا کیا جاچکا ہے، جبکہ 100 قیدی آذربائیجان کی قید میں ہیں۔ دوسری جانب، آرمینیا کی جانب سے اب تک 16 آذری قیدیوں کو رہا کیا گیا ہے۔