آسٹریلیا کی دوسرے ٹیسٹ میچ میں پاکستان کیخلاف بیٹنگ جاری

کراچی (پاک ترک نیوز) کراچی کے نیشنل سٹیڈیم میں جاری دوسرےٹیسٹ میچ میں آسٹریلیا کی پاکستان کیخلاف بیٹنگ جاری ہے ۔آسٹریلیا نے ٹاس جیت کر پہلے بیٹنگ کا فیصلہ کیا ۔
عثمان خواجہ اور ڈیوڈ وارنر نے آسٹریلوی اننگز کا آغاز کیا ۔کھانے کے وقفے تک آسٹریلیا نے 2وکٹوں کے نقصان پر 100رنز بنائے ہیں ۔ عثمان خواجہ 52رنز جبکہ سٹیو سمتھ 7رنز بنا کر کریز پر موجود ہیں ۔ وارنر 36رنز بنا کر آئوٹ ہوئے جبکہ لبھوشن بغیر کوئی رن بنائے رن آئوٹ ہوئے۔پاکستان کی جانب سے فہیم اشرف نے ایک کھلاڑی کو آئوٹ کیا ۔
کراچی میں جاری دوسرے ٹیسٹ میچ میں قومی ٹیم میں 2تبدیلیاں کی گئیں فہیم اشرف اور حسن علی کو پلینگ الیون میں شامل کیا گیا جبکہ آسٹریلیا کی جانب سے مچل سوئپسن ڈیبیو کر رہے ہیں۔پاکستانی ٹیم کی قیادت بابر اعظم جبکہ آسٹریلیا کے کپتان پیٹ کمنز ہیں۔
یاد رہے پاکستان اور آسٹریلیا کے درمیان راولپنڈی میں کھیلا گیا پہلا ٹیسٹ بغیر کسی نتیجے کے ختم ہو گیا تھا۔