باکو ہائر آئل سکول اور بوگازیکی یونیورسٹی آف ترکی میں معاہدہ طے پاگیا

باکو (پاک ترک نیوز ) باکو ہائر آئل سکول اور بوگازیکی یونیورسٹی آف ترکی میں دو طرفہ ڈپلومہ پروگرام کا معاہدہ طے پاگیا ہے ۔ باکو ہائر آئل سکول (BHOS) کے ریکٹر ایلمار گاسیموف نے ترکی کی بوگازیکی یونیورسٹی کے ریکٹر پروفیسر ناجی اندجی، وائس ریکٹر پروفیسر گورکان کمباروگلو اور ڈپٹی سیکرٹری جنرل ایسوسی ایٹ پروفیسر ندیم مالکوچ سے ملاقات کی۔
اس ملاقات میں دونوں یونیورسٹیوں کے درمیان ڈوئل ڈپلومہ پروگرام کے نفاذ پر تبادلہ خیال کیا گیا۔ فریقین نے باکو ہائر آئل سکول اور بوگازیکی یونیورسٹی کے درمیان مفاہمت کی ایک یادداشت پر دستخط کئے۔جس کے مقصد تعلیمی، پیشہ ورانہ اور ثقافتی سرگرمیوں میں معاونت کے ذریعے بین الاقوامیت، سائنسی تعاون، بین الثقافتی انضمام اور دونوں یونیورسٹیوں کے اساتذہ اور طلباء میں دوستانہ تعلقات کو فروغ دینا ہے۔
پروفیسر ناجی اندجی ریکٹر بوگازیکی یونیورسٹی نے عالمی معیار کی یونیورسٹی باکو ہائر آئل سکول میں ہونے والی نصابی اور غیر نصابی سرگرمیوں کو بھی سراہا ۔