سٹیو سمتھ وائٹ بال سیریز سے قبل ٹیم سے باہر ہو گئے

لاہور(پاک ترک نیوز) آسٹریلوی کرکٹر سٹیو سمتھ وائٹ بال سیریز سے قبل ٹیم سے باہر ہو گئے ۔
کرکٹ آسٹریلیا کے مطابق سمتھ بائیں کہنی میں انجری کے باعث پاکستان کیخلاف ون ڈے اور ٹی ٹونٹی سیریز میں حصہ نہیں لیں گے ۔
سٹیو سمتھ کی جگہ لیگ سپنر مچل سوئپسن ون ڈے اور ٹی ٹونٹی سیریز کیلئے سکواڈ کا حصہ ہوں گے ۔
پاکستان اور آسٹریلیا کے درمیان تین دن ڈے اور ایک ٹی ٹونٹی انٹرنیشنل میچز کی سیریز کا آغاز 29مارچ سے ہو گا ۔ یہ میچز لاہور کے قذافی سٹیڈیم میں کھیلے جائیں گے ۔
اس سے قبل آسٹریلیا نے پاکستان کو تیسرے ٹیسٹ میں شکست دے کر ٹیسٹ سیریز بھی اپنے نام کرلی۔