لاہور ( پاک ترک نیوز)
پاکستان کے نامور اداکار سہیل احمد عرف عزیزی کی بالی وڈ میں انٹری ہوگئی ہے۔انہوں نےبھارت کے سپر اسٹار دلجیت دوسانجھ کی پنجابی فلم ’بابے بھنگڑے پاوندے نے‘ میں اداکاری کے جوہر دکھائے ہیں۔
فلم میں عزیری کے ساتھ دلجیت دوسانجھ، سرگن مہتا اور دیگر فنکار جلوہ گر ہوں گے۔فلم کے پروڈیوسر دلجیت دوسانجھ ہیں جب کہ امرجیت سنگھ فلم کے ہدایت کار ہیں۔’بابے بھنگڑے پاوندے نے‘ کو امریکہ میں فلمایاگیاہے۔
فلم کا ٹریلر جاری کر دیاگیا ہےجس میں دیکھا جاسکتا ہے کہ سہیل احمد دلجیت دوسانجھ کے والد کا کردار نبھا رہے ہیں۔
یہ فلم آئندہ ماہ 5 اکتوبر کو دنیا بھر میں ریلیز کی جائے گی۔