دبئی(پاک ترک نیوز ) کھیلوں کی دنیا کے سپر سٹار شعیب ملک اور ثانیہ مرزا اب شو کی میزبانی بھی کریں گے ۔ دی شعیب اینڈ ثانیہ شو میں پاکستان اوربھارت کی مشہورشخصیات بطورمہمان عمدک ۔،- بد اورہلکے پھلکے اندازمیں اپنی زندگی کی دلچسپ باتیں شیئر کریں گی۔
تفصیلات کے مطابق کرکٹر شعیب ملک اوران کی اہلیہ ثانیہ مرزا پاکستان کے پہلے او ٹی ٹی پلیٹ فارم اردو فلیکس کے لئے دی شعیب اینڈ ثانیہ شو کی میزبانی کریں گے۔
ثانیہ مرزا اور شعیب ملک کا کہنا ہے کہ ہمارے شو میں کوئی متنازع بات نہیں ہوگی بلکہ شو کے ذریعے محبت اورامن کا پیغام دیا جائے گا اورہنسی مذاق کے ذریعے لوگوں کا ٹینشن کم کرنے کی کوشش کی جائے گی۔
ثانیہ مرزا کا دبئی میں میڈیا سے گفتگو میں کہنا تھا کہ یہ شو مداحوں کی تعداد بڑھانے یا اشتہارات حاصل کرنے کے لئے نہیں کیونکہ میرے اورشعیب کے پاس پہلے ہی یہ دونوں چیزیں بڑی تعداد میں ہیں۔ ہمارے شو کا مقصد لوگوں کو تفریح فراہم کرنا اورآپس محبتیں بانٹنا ہے۔