کراچی (پاک ترک نیوز) پاکستان کرکٹ ٹیم انگلینڈ کیخلاف ہوم ٹی ٹونٹی سیریز کیلئے کراچی پہنچ گئی۔ قومی ٹیم کے کھلاڑیوں نے ہوٹل میں رپورٹ کردی۔
تفصیلات کےمطابق قومی سکواڈ انگلینڈ کیخلاف ہوم سیریز کیلئے کراچی پہنچ گیا ۔ٹی ٹوئنٹی میں عالمی نمبر ایک وکٹ کیپر بلے باز محمد رضوان آج کراچی رپورٹ کریں گے ۔قومی سکواڈ آج شام نیشنل اسٹیڈیم میں ٹریننگ کرے گا۔
یاد رہے کہ 17برس بعد پاکستان کا دورہ کرنیوالی انگلینڈ کرکٹ ٹیم اپنے دورہ میں 7ٹی ٹونٹی انٹرنیشنل میچز کھیلے گی ۔ سیریز کا آغاز 20ستمبر سے ہو گا ۔پہلے چار میچز کراچی کے نیشنل سٹیڈیم میں کھیلے جائیں گے جبکہ باقی 3میچز کیلئے دونوں ٹیمیں لاہور آئیں گی جہاں قذافی سٹیڈیم ان کا میزبان ہو گا۔