مائیکرو سافٹ کے بانی بل گیٹس کو ہلال پاکستان کے اعزاز سے نواز دیا گیا

اسلام آباد( پاک ترک نیوز ) مائیکرو سافٹ کے بانی بل گیٹس کو ہلال پاکستان کے اعزاز سے نواز دیا گیا۔ وفاقی دارالحکومت اسلام آباد میں صدر مملکت عارف علوی نے بل گیٹس کو ہلال پاکستان ایوارڈ سے نوازا۔
وزیراعظم عمران خان اور وفاقی وزرابھی تقریب میں شریک تھے ۔تقریب کا آغاز تلاوت قرآن پاک سے کیا گیا، جس بعد مائیکروسافٹ کے بانی کو خصوصی اعزاز سے نوازا گیا۔
مائیکرو سافٹ کے بانی بِل گیٹس ایک روزہ دورے پر پاکستان پہنچ گئے، اسلام آباد میں انہوں نے انسدادپولیو پروگرام کا دورہ کیا۔
بل گیٹس کو انسداد پولیو پروگرام کے سربراہ ڈاکٹر شہزاد بیگ نے بریفنگ دی اور کورونا سمیت پولیوکی روک تھام سے متعلق اقدامات سے آگاہ کیا۔ اس موقع پر معاون خصوصی براے صحت ڈاکٹر فیصل سلطان بھی موجود رہے۔