لندن (پاک ترک نیوز) قومی فاسٹ بائولر محمد عباس کی انگلش کائونٹی چیمپن شپ میں تباہ کن بائولنگ ،45رنز کے عوض 6کھلاڑیوں کو پویلین کی راہ دکھائی ۔
تفصیلات کےمطابق پاکستانی فاسٹ بائولر محمد عباس نے ٹورنامنٹ میں ہمپشائر کی طرف سے گلوسٹر شائر کی 6وکٹیں اڑا دیں۔
قومی فاسٹ بائولر نے 17 اوورز میں صرف 45 رنز دے کر 6 وکٹیں لیں جس کے بعد میچ میں ہمپشائر کے جیتنے کی امید بڑھ گئی۔میچ کے پہلی اننگز میں ہمپشائر نے 342 رنز بنائے تھے جس کے بدلے میں گلوسسٹر شائر 179 رنز پر ڈھیر ہوگئی تھی۔
ہمپشائر کی دوسری اننگز ابھی جاری ہے۔