نیوزی لینڈ کا ٹاس جیت کر بیٹنگ کا فیصلہ

سڈنی (پاک ترک نیوز) ٹی ٹونٹی ورلڈ کپ کے پہلے سیمی فائنل میں نیوزی لینڈ نے پاکستان کیخلاف ٹاس جیت کر پہلے بیٹنگ کا فیصلہ کیا ہے ۔
تفصیلات کے مطابق آسٹریلوی شہر سڈنی میں ٹی ٹونٹی ورلڈ کپ 2022کے پہلے سیمی فائنل میں نیوزی لینڈ نے پاکستان کیخلاف ٹاس جیت کر پہلے بیٹنگ کا فیصلہ کیا ہے ۔
ٹی ٹونٹی ورلڈ کپ اپنے اختتام کی جانب بڑھ رہاہے ۔ آسٹریلوی شہر سڈنی میں ٹی ٹونٹی ورلڈ کپ کا پہلا سیمی فائنل آج کھیلا جا رہا ہے ۔شاہین اونچی اڑان کیلئے تیار ہیں ۔ باہمی میچوں میں نیوزی لینڈ پر پاکستان کو عددی برتری حاصل ہے ۔42ہزار کی گنجائش والے سٹیڈیم کی تمام ٹکٹیں پہلے ہی فروخت ہو چکی ہیں۔سڈنی میں صبح کے وقت ہلکی بارش کا امکان ہے تاہم میچ سے قبل موسم صاف ہوجائے گا۔ کھیل کے بارش سے متاثر ہونے کا امکان نہیں ہے۔
دوسری جانب کیوی کپتان کا کہنا ہے کہ سیمی فائنل میں پاکستان فیورٹ ہے یا نیوزی لینڈ ؟ یہ کہنا ہے مشکل ہے۔ کیوی کھلاڑی سڈنی کی کنڈیشن سے واقف ہیں اچھا کھیل ہوگا۔