لاہور(پاک ترک نیوز)نیوزی لینڈ کرکٹ بورڈ کا 4رکنی وفد سکیورٹی انتظامات دیکھنے قذافی سٹیڈیم پہنچ گیا۔پاکستان کرکٹ بورڈ حکام نے مہمان وفد کو تیاریوں کے حوالے سے بریفنگ دی۔دسمبر میں نیوزی لینڈ کی ٹیم نے 2 ٹیسٹ اور3 ون ڈے میچز کے لئے پاکستان کا دورہ کرنا ہے۔
تفصیلات کے مطابق نیوزی لینڈ کرکٹ بورڈ کا سکیورٹی وفد قذافی سٹیڈیم پہنچ گیا ۔ 4رکنی وفد نے سکیورٹی انتظامات دیکھے ، پاکستان کرکٹ بورڈ (پی سی بی )حکام کی جانب سے سکیورٹی ٹیم کو سیریز کی تیاریوں کے حوالے سے بریفنگ دی گئی، ریگ ڈیکاسن، سائمن لیسلے،گریگ مین اور ہیتھ مل 4 رکنی سکیورٹی وفد میں شامل ہیں۔
سکیورٹی وفد کراچی کے بعد لاہور میں انتظامات کا جائزہ لینے آیا ہے، سکیورٹی وفد قذافی سٹیڈیم کا دورہ کرنے کے بعد سیف سٹی اتھارٹی کا بھی دورہ کرے گا، اس موقع پر سکیورٹی حکام مہمان وفد کو انتظامات کے حوالے سے بریفنگ دینگے۔