اسلام آباد (پاک ترک نیوز) پاکستان سے تین ون ڈے میچز کی سیریز کھیلنے کیلئے ویسٹ انڈیز ٹیم پاکستان پہنچ گئی ۔ ویسٹ انڈیز کی ٹیم اسلام آباد پہنچ گئی جبکہ قومی کرکٹ ٹیم لاہور سے ملتان پہنچ چکی ہے ۔
پاکستان اور ویسٹ انڈیز کے درمیان سیریز کا پہلا ایک روزہ میچ آٹھ جون کو ملتان کرکٹ اسٹیڈیم میں دوپہر چار بجے شروع ہو گا، پاک ویسٹ انڈیز سیریز آئی سی سی مینز کرکٹ ورلڈکپ سپر لیگ کا حصہ ہے۔
بابراعظم کی قیادت میں قومی کھلاڑی آج ملتان کرکٹ اسٹیڈیم میں ٹریننگ کریں گے۔تین روزہ تربیتی کیمپ میں بھرپور پریکٹس اور دو سیناریو بیس پریکٹس میچ کھیلنے کے بعد قوی سولہ رکنی اسکواڈ ملتان میں موجود ہے، ویسٹ انڈیز ٹیم سے مقابلے کے لیے ہیڈ کوچ ثقلین مشتاق اور کپتان بابراعظم کی قیادت میں قومی اسکواڈ چھ اور سات جون کو ملتان کرکٹ اسٹیڈیم میں ساڑھے تین تین گھنٹے بیٹنگ، باولنگ اور فیلڈنگ ڈرلز کرتا نظر آئے گا۔
ملتان کرکٹ سٹیڈیم میں پاکستان اور ویسٹ انڈیز کی ٹیموں کا ٹریننگ سیشن منگل کی شام ساڑھے چار سے رات 8 بجے تک ہوگا۔