سڈنی (پاک ترک نیوز) ٹی ٹونٹی ورلڈ کپ کے سپر 12مرحلے میں شاہینوں نے سائوتھ افریقہ کو زیر کرلیا۔
تفصیلات کے مطابق آسٹریلوی شہر سڈنی میں ٹی ٹونٹی ورلڈ کپ کے سپر 12مرحلے میں پاکستان نے جنوبی افریقہ کو شکست دیدی۔جنوبی افریقہ نے 108رنز بنائے اور اس کے 9کھلاڑی آئوٹ ہوئے۔پاکستان نے میچ 33رنز سے جیت لیا۔
اس سے قبل پاکستان نے جنوبی افریقہ کو 185رنز کا ہدف دیا تھا۔ پاکستان نے9وکٹوں کے نقصان پر 184رنز بنائے۔ شاداب خان نے 52جبکہ محمد افتخار نے 51رنز کی اننگز کھیلی ۔
بارش سے متاثرہ میچ میں سائوتھ افریقہ کو 14اوورز میں 142رنز کا ہدف دیا گیا تھا ۔
پاکستان نے ٹاس جیت کر پہلے بیٹنگ کا فیصلہ کیا تاہم محمد رضوان 4رنز بنا کر آئوٹ ہو گئے ۔ محمد حار ث نے 28رنز کی زبردست اننگز کھیلی ۔بابر اعظم 6،شان مسعود 2رنز بنا سکے ۔
افتخار احمد کے ساتھ محمد نواز نے بھرپور ساتھ دیا اور 28رنز بنائے تاہم وہ رن آئوٹ ہو گئے ۔اس کے بعد افتخار کا ساتھ دینے شاداب خان آئے ۔ نائب کپتان شاداب نے افتخار کے ساتھ مل کر پاکستان کے سکور کو آگے بڑھایا اور دوسری تیز ترین ففٹی سکور کی۔
سائوتھ افریقہ کی جانب سے نورٹیج نے4جبکہ شمسی ،پارنیل نے ایک ایک کھلاڑی کو آئوٹ کیا۔