کراچی (پاک ترک نیوز) پاکستان اور انگلینڈ کے درمیان جاری تین میچوں کی سیریز کے تیسرے ٹیسٹ میچ میں پاکستانی ٹیم اپنی دوسری اننگز میں 216رنز بنا کر آئوٹ ہو گئی ۔ انگلینڈ کو جیت کیلئے 167رنز کا ہدف درکار ہے ۔
پاکستان کی جانب سے کپتان بابر اعظم نے 54،سعودشکیل نے 53رنز کی اننگز کھیلی ۔
انگلینڈ کی جانب سے ڈیبیو کرنیوالے ریحان احمد5وکٹیں حاصل کرنے میں کامیاب ،لیچ 3جبکہ ووڈ اور روٹ نے ایک ایک کھلاڑی کو آئوٹ کیا۔
اس سےقبل پاکستان نے اپنی پہلی اننگز میں 304جبکہ انگلینڈ نے اپنی پہلی اننگز میں 354رنز بنائے تھے ۔
یاد رہے کہ تین میچوں کی سیریز انگلش ٹیم پہلے دو ٹیسٹ میچ جیت کر پہلے ہی اپنے نام کر چکی ہے جبکہ تیسرا ٹیسٹ جیت کر پاکستان کیخلاف کلین سوئپ کر سکتی ہے ۔