لاہور(پاک تر ک نیوز ) پاکستان اور انگلینڈ کے 7میچوں پر مشتمل سیریز کا پانچواں ٹی20 انٹرنیشنل میچ آج لاہور کے قذافی سٹیڈیم میں کھیلا جائے گا، دونوں ٹیموں کے درمیان سیریز 2-2 سے برابر ہے۔انگلش ٹیم کے استقبال کے لیے لاہور میں کہیں بھی خیر مقدمی بینرز نہیں لگائے گئے جبکہ لاہوریوں میں کرکٹ میچز کے سلسلے میں شہر بھر میں پبلک سٹی نہیں کی گئی ہے۔
پانچویں ٹی20 میچ میں قومی ٹیم کے نائب کپتان شاداب خان بھی اِن ایکشن ہوں گے جبکہ نسیم شاہ بخار کو بخار کے باعث آرام کروایا جاسکتا ہے۔
قبل ازیں گزشتہ روز لاہور میں تیز بارش کے باعث میچ اور پریکٹس کے لیے تیار پچز کو فوری طور پر ڈھانپ دیا اور دونوں ٹیموں کا پریکٹس سیشن بھی منسوخ کردیا گیا تھا۔
واضح رہے کہ قذافی اسٹیڈیم میں اب تک کا ٹی 20 میں سب سے بڑا ٹوٹل پانچ وکٹ پر 197 رنز ہے جو پاکستان نے ورلڈ الیون کے خلاف میچ میں اسکور کیا تھا جبکہ کم ترین اسکور 101 ہے جو پاکستان نے سری لنکا کے خلاف میچ میں بنایا تھا۔