لاہور(پاک ترک نیوز) لاہور کے قذافی سٹیڈیم میں پاکستان اور آسٹریلیا کے درمیان تین میچوں کی سیریز کا پہلا ون ڈے انٹرنیشنل میچ کل کھیلا جائے گا۔
شاہینوں اور آسٹریلوی کرکٹرز آج بھرپور پریکٹس کریں گے ۔
آسٹریلوی ٹیم کے کپتان ایرون فنچ کا کہنا ہے کہ ون ڈے میں بہترین پرفارمنس دینے والی پاکستانی ٹیم کو ہوم گراونڈ پر شکست دینا آسان نہیں ہوگا۔
پری میچ ورچوئل پریس کانفرنس میں مہمان ٹیم کے کپتان کا کہنا تھا کہ پاکستان کے خلاف ون ڈے سیریز میں اچھے آغاز کے خواہشمند ہیں، نوجوان کھلاڑیوں پر مشتمل ٹیم کے ساتھ اچھی پرفارمنس دینے کی کوشش کریں گے۔ پاکستانی میں پہلی بار آنے کا موقع ملا ہے اور سیریز شروع ہونے کا بےتابی سے متنظر ہوں۔
آسٹریلوی کپتان کا مزید یہ بھی کہنا تھا کہ رواں برس ٹی ٹوئنٹی ورلڈ کپ کے لیے ایک اچھا کمبی نیشن بنانا چاہتے ہیں، پاکستان میں صرف ایک میچ ہے تاہم سری لنکا میں زیادہ ٹی ٹوئنٹی میچز ہیں جس سے تیاری کا اچھا موقع ملے گا۔
یاد رہے کہ اس سے قبل آسریلیا نے تین ٹیسٹ میچوں پر مشتمل سیریز ایک صفر سے جیت لی تھی ۔