پاک انگلینڈ ٹی ٹونٹی سیریز کا پہلا میچ کل کھیلا جائے گا

کراچی(پاک ترک نیوز) 17برس بعد پاکستان کا دورہ کرنیوالی انگلینڈ اور پاکستان کے درمیان 7میچوں پر مشتمل سیریز کا پہلا ٹی ٹونٹی میچ کل نیشنل سٹیڈیم کراچی میں کھیل جائے گا۔قومی سکواڈ کی قیادت بابر اعظم جبکہ مہمان ٹیم معین علی کی قیادت میں میدان میں اترے گی۔
تفصیلات کے مطابق 17 بعد انگلش کرکٹ سٹارز ایک مرتبہ پھر پاکستانی میدانوں میں ان ایکشن ہوں گے، پہلے ٹی 20 میچ کیلئے کراچی کے نیشنل سٹیڈیم میں میدان لگے گا، میچ شام 7:30 بجے شروع ہو گا۔ابتدائی میچز کیلئے مہمان انگلش ٹیم کی قیادت معین علی کریں گے، جوز بٹلر انجری کے باعث کراچی میں کھیلے جانے والے میچز کا حصہ نہیں ہوں گے۔
واضح رہے کہ پاک انگلینڈ ٹیمیں 21مرتبہ ٹی ٹونٹی میں مد مقابل آ چکی ہیں جس میں انگلش ٹیم کو پاکستان پر برتری حاصل ہے ۔13میں مہمان ٹیم نے میدان مارا ہے ۔