پاک انگلینڈ چھٹا ٹی ٹونٹی میچ آج کھیلا جائے گا

لاہور(پاک ترک نیوز) پاکستان اور انگلینڈ کے درمیان 7میچوں پر مشتمل سیریز کا چھٹا ٹی 20 آج لاہور کے قذافی سٹیڈیم میں کھیلا جائے گا۔
تفصیلات کےمطابق پاکستان اور انگلینڈ کی کرکٹ ٹیمیں ایک روزہ آرام کے بعد آج پھر قذافی اسٹیڈیم میں اِن ایکشن ہوں گی، 7 میچز پر مشتمل ٹی 20 سیریز میں پاکستان کو 2-3 کی برتری حاصل ہے۔
اس سے قبل دونوں ٹیموں کے درمیان پانچ ٹی ٹونٹی میچز کھیلے گئے ہیں ۔دونوں ٹیموں کے درمیان ٹی 20 سیریز کا چھٹا میچ آج پاکستان وقت کے مطابق شام ساڑھے 7 بجے قذافی سٹیڈیم میں کھیلا جائے گا۔
سیریز کے پہلے مرحلے کے چار میچز نیشنل سٹیڈیم کراچی میں کھیلے گئے جس میں سے دو میں پاکستان اور دو میں انگلینڈ نے فتح حاصل کی جبکہ لاہور میں کھیلے گئے پانچویں میچ میں گرین شرٹس نے 6 رنز سے کامیابی سمیٹی تھی۔