کراچی (پاک ترک نیوز) کراچی کے نیشنل سٹیڈیم میں پاکستان سپر لیگ (پی ایس ایل )7 کا پہلا ڈبل ہیڈرآج کھیلاجائے گا ۔ پہلے میچ میں ملتان سلطانز اور لاہور قلندرز آمنے سامنے ہوں گے جبکہ کراچی کنگز کو ہوم گرائونڈ پر کوئٹہ گلیڈی ایٹرز کا چیلنج درپیش ہو گا۔
تفصیلات کے مطابق پی ایس ایل 7تیسرے روز ایونٹ کا پہلا ڈبل ہیڈر کھیلا جائے گا۔ لاہور قلندرز اور ملتان سلطانز میں دوپہر دو بجے زور کا جوڑ پڑے گا۔ قلندرز کے کپتان شاہین آفریدی، فخر زمان، محمد حفیظ اور حارث رؤف قلندرز کو جیت دلانے کے لیے پر امید ہیں۔ ایونٹ کے افتتاحی میچ میں کراچی کنگز کو زیر کرنیوالی ملتان سلطانز آج اپنی دوسری جیت کے لیے پرعزم ہے۔
دوسرے میچ میں کراچی کنگز اور کوئٹہ گلیڈ ی ایٹرشام سات بجے آمنے سامنے ہوں گے۔ کوئٹہ کو کراچی پر اب تک ہونیوالے میچز میں سبقت حاصل ہے ۔ گلیڈی ایٹرز 7جبکہ کنگز 5مرتبہ ایک دوسرے کیخلاف فتح حاصل کر چکے ہیں ۔