پی ایس ایل 7 کا دوسرا مرحلہ ،ملتان ،یونائیٹڈ اور زلمی آج لاہور پہنچیں گی

لاہور(پاک ترک نیوز) پاکستان سپر لیگ (پی ایس ایل )7کے دوسرے مرحلے کیلئے اسلام آباد یونائیٹڈ ،ملتان سلطانز اور پشاور زلمی آج لاہورپہنچیں گی۔کوئٹہ گلیڈی ایٹرز ،کراچی کنگز ا ور لاہور قلندرز کل لاہور آئیں گی۔

پی ایس ایل 7کا دوسرا مرحلہ 10فروری سے لاہور کے قذافی سٹیڈیم میں کھیلا جائے گا ۔پی ایس ایل میں شریک ٹیمیں این ایچ پی سی اور ایل سی سی اے گراونڈ میں ٹریننگ کریں گی۔
پی ایس ایل کے پہلے مرحلے میں ملتان سلطانز اپنے تمام پانچ جیت کر پہلے نمبر پر ہے۔ جبکہ اسلام آباد یونائیٹڈ نے تین میچ جیتے اور دو ہارے ہیں۔
پشاور زلمی نے تین میچ ہارے اور دو جیتنے میں کامیاب رہی۔ لاہور قلندرز نے اب تک چار میچ کھیلے ہیں جس میں وہ تین میچ جیتنے میں کامیاب ہوئی۔جبکہ کوئٹہ گلیڈی ایٹرز چار میچ کھیل کر صرف ایک ہی جیت سکی ہے۔