کراچی (پاک ترک نیوز) کراچی میں جاری دوسرے ٹیسٹ میچ میں557رنز کے جواب میں پاکستان کی بیٹنگ جاری ہے ۔کھانے کے وقفے تک پاکستان نے ایک وکٹ کے نقصان پر 38رنز بنا لئے ہیں۔
پاکستان کے عبداللہ شفیق 13رنز بنا کر رن آئوٹ ہو گئے ۔امام الحق 20اور اظہر علی 4رنز بنا کر کریز پر موجود ہیں ۔
اس سے قبل آسٹریلیا نے پاکستان کے خلاف پہلی اننگز 556 رنز 9 کھلاڑی آؤٹ پر ڈکلیئر کر دی تھی۔
آسٹریلیا نے تیسرے روز اپنی پہلی نامکمل اننگز کا آغاز 505 رنز 8 کھلاڑی آؤٹ سے کیا لیکن شاہین آفریدی نے مچل اسٹارک کو گزشتہ روز کے اسکور میں بغیر کسی اضافے کے 28 رنز پر ہی اظہر علی کے ہاتھوں کیچ آؤٹ کرا دیا۔
آسٹریلیا نے پہلی اننگز 556 رنز 9 کھلاڑی آؤٹ پر ڈکلیئر کر دی، آسٹریلیا کی جانب سے عثمان خواجہ 160 رنز بنا کر نمایاں رہے جبکہ ایلکس کیرے نے 93 اور اسٹیو اسمتھ نے 72 رنز کی اننگز کھیلیں۔
پاکستان کی جانب سے فہیم اشرف اور ساجد خان نے دو دو کھلاڑیوں کو آؤٹ کیا جبکہ شاہین آفریدی، نعمان علی، حسن علی اور بابر اعظم نے ایک ایک وکٹ حاصل کی۔