کراچی(پاک ترک نیوز) کورونا وائرس سے صحت یاب ہونے ووالے ویسٹ انڈیز سکواڈ کے آخری 5 ارکان بھی وطن واپس روانہ ہو گئے۔
کھلاڑیوں اورسٹاف کی کوروناٹیسٹ کےنتائج منفی آنے پر وطن روانہ ہو گئے ۔ وطن واپس جانے والوں میں کپتان شائی ہوپ، عقیل حسین، جسٹن گریوز اسسٹنٹ کوچ روڈی ایسٹوک اور فزیشن اکشے من سنگھ شامل ہیں۔
کورونا میں مبتلا ویسٹ انڈیز کے 4ارکان 20 دسمبر کو وطن روانہ ہوئےتھے۔ سکواڈ کے 9 ارکان کوکوویڈ 19 ٹیسٹ کے نتائج مثبت آنے پر قرنطینہ کیا گیا تھا۔ کورونا زدہ ارکان مقامی ہوٹل میں قرنطینہ کر رہے تھے۔
واضح رہے کہ پاکستان کرکٹ بورڈ کے چیف آپریٹنگ آفیسر سلمان نصیر نے کہا تھا کہ بائیو سیکیور ماحول کی کوئی خلاف ورزی نہیں کی گئی بلکہ ویسٹ انڈین کھلاڑیوں کو دبئی میں کویڈ19 وائرس لگا کیونکہ کچھ کھلاڑی مختلف لیگز کھیل کر آرہے تھے۔