کراچی(پاک ترک نیوز ) قومی کرکٹ ٹیم کے سابق کپتان اظہرعلی نے ٹیسٹ کرکٹ سے ریٹائرمنٹ کا اعلان کردیا۔
تفصیلات کے مطابق کراچی میں پریس کانفرنس کرتے ہوئے اظہر علی کا کہنا تھا کہ کل سے شروع ہونے والا کراچی ٹیسٹ ان کے کیرئیر کا آخری ٹیسٹ ہو گا۔
ریٹائرمنٹ کا اعلان کرتے ہوئے اظہرعلی نے کہا کہ قومی کرکٹر نے کہا کہ فینز نے کرکٹ کی وجہ سے بہت پیار دیا جس پر ان کا شکر گزار ہوں، درخواست کرتا ہوں اسی طرح پاکستان کرکٹ سپورٹ کرتے رہیں۔اس موقع پر سابق کپتان کچھ جذباتی ہو گئے اور ان کی آواز بھرا گئی جب کہ اس دوران انہوں نے اپنے سینئر اور ساتھیوں کا شکریہ ادا کیا۔
اظہر علی کا کہنا تھا کہ ہر چیز کے ختم ہونے کا وقت ہے، میں چار پانچ سال انجری کا شکار رہا، میری فیملی نے میرے کیرئیر کے لیے بہت قربانیاں دیں، امید ہے اب انہیں کافی ٹائم دے سکوں گا۔