لاہور(پاک ترک نیوز) انگلینڈ کرکٹ ٹیم کے دورہ انگلینڈ ، برطانوی ہائی کمشنر کرسٹن ٹرنر نے چیئرمین پاکستان کرکٹ بورڈ رمیز راجہ سے ملاقات کی۔
ملاقات کے موقع پر چیئرمین پی سی بی رمیز راجا کا کہنا ہے کہ انگلینڈ ٹیم کی پاکستان آمد کے منتظر اور سیریز کی میزبانی کے لیے پرجوش ہیں، انگلش کرکٹ ٹیم کو رواں سال دو مرتبہ پاکستان کا دورہ کرنا ہے۔
اس موقع پر برطانوی ہائی کمشنر نے کہا کہ انگلش فینز اور کرکٹ ماہرین دونوں ٹیموں کے مابین سنسنی خیز کرکٹ دیکھنے پاکستان آنا چاہتے ہیں۔کرکٹ ہمارے خون میں ہے، یہ کھیل دونوں ممالک کو جوڑتا ہے۔
انگلینڈ کی ٹیم رواں سال ستمبر، اکتوبر میں پاکستان کا دورہ کرے گی جس میں وہ 7 ٹی20 انٹرنیشنل میچز کھیلے گی جبکہ آسٹریلیا میں شیڈول ٹی20 ورلڈکپ کے بعد انگلش ٹیم ایک بار پھر نومبر اور دسمبر کے وسط میں تین ٹیسٹ میچز کے لیے پاکستان آئے گی۔