کینبرا(پاک ترک نیوز)آسٹریلیا کی ریاست تسمانیہ کے سکول میں کھیل کے دوران حادثے میں 4بچے ہلاک اور 5شدید زخمی ہوگئے ۔
تفصیلات کے مطابق بچے سکول میں کھیل میں مصروف تھے کہ تیز ہوائوں کے باعث بائونسی کاسل زمین سے 10میٹر اوپر اٹھ گیا جس کے نتیجے میں 4بچے ہلاک اور 5شدید زخمی ہوگئے ۔زخمی بچوں کو ہسپتال منتقل کر دیا گیا ہے۔
باؤنسی کاسل سال کے اختتام پرہونے والی تقریبات کے سلسلے میں لایا گیا تھا۔آسٹریلیا کے وزیراعظم سکاٹ موریسن نے حادثے پر دکھ اورمتاثرہ خاندانوں سے ہمدردی کا اظہارکیا ہے۔