لاہور(پاک ترک نیوز) دنیائے کرکٹ کا ایک اور بڑا معرکہ پاکستان اور بھارت کے درمیان 28اگست کو ہو گا ۔ سری لنکا میں شیڈول ایشیا کرکٹ کپ میں روایتی حریف ٹکرائیں گے ۔
تفصیلات کے مطابق ایشیا کپ شیڈول کے مطابق سری لنکا میں ہو گا اور ایونٹ 27اگست سے 11ستمبر تک کھیلا جائے گا۔روایتی حریف پاکستان اور بھارت کا میچ 28 اگست کو ہوگا۔
ایشیا کپ کا کوالیفائنگ راؤنڈ 21 اگست سے شروع ہو گا ۔سری لنکا میں ہونے والا ایشیا کپ ٹی ٹوئنٹی فارمیٹ میں کھیلا جائے گا۔
یاد رہے کہ ٹی ٹوئنٹی ورلڈ کپ 2021میں ہونے والے مقابلے میں بھارت کو پاکستان کے ہاتھوں 10 وکٹوں سے شکست کا سامنا کرنا پڑا تھا۔بابر اعظم کی کپتانی میں پاکستانی ٹیم نے پہلی بار بھارت کو ورلڈ کپ میں ہرا کر تاریخ ساز فتح اپنے نام کی تھی۔
سری لنکا میں ہونیوالے ایشیا کپ میں پاکستان، بھارت، سری لنکا، افغانستان اور بنگلا دیش مین راؤنڈ میں شامل ہیں جب کہ متحدہ عرب امارات، نیپال، عمان اور ہانگ کانگ کی ٹیمیں کوالیفائنگ راؤنڈ کھیلیں گی۔