دبئی (پاک ترک نیوز) پاکستان کرکٹ ٹیم ایشیا کپ میں شرکت کیلئے ایمسٹرڈیم سے دبئی پہنچ گئی۔قومی ٹیم آج ٹیم ہوٹل میں آرام کرے گا۔پاکستان کرکٹ ٹیم کل سے دبئی میں ٹریننگ سیشنز کا آغاز کرے گی۔
ایشیا کپ ٹی ٹوئنٹی کیلئے پاکستانی اسکواڈ میں شامل افتخار احمد، عثمان قادر، حیدرعلی اور آصف علی آج دوپہر میں لاہور سے دبئی پہنچیں گے۔اس کے علاوہ محمد حسنین برطانیہ سے متحدہ عرب امارات آئیں گے۔
واضح رہے کہ ٹورنامنٹ میں پاکستان اپنا پہلا میچ 28 اگست کو روایتی حریف بھارت کے خلاف کھیلے گا۔