نئی دہلی(پاک تر ک نیوز) بنگلہ دیش اور بھارت کے کئی شہروں میں زلزلے کے جھٹکے محسوس کئے گئے ہیں۔زلزلے کی ریکٹر سکیل پر شدت 6.1تھی ۔
تفصیلات کے مطابق بنگلہ دیش ، بھارت اور میانمار کا سرحدی علاقہ میں زلزلے کے جھٹکے محسوس کئے گئے ۔ زلزلے کے جھٹکے شمال مشرقی بھارت میں بھی محسوس کئے۔ زلزلے کی گہرائی12 کلومیٹراوراس کا مرکز شمال مشرقی بھارت سے 140کلومیٹردورتھا۔
بنگلادیش کے دارالحکومت ڈھاکا اور چٹاگانگ سمیت دیگر شہروں میں بھی زلزلے کے جھٹکے محسوس کیے گئے۔زلزلے کے جھٹکے میانمار، بھوٹان اورچین میں بھی محسوس کئے گئے۔زلزلے سے کسی جانی نقصان کی اطلاع نہیں ملی۔
یاد رہے کہ پاکستان کرکٹ ٹیم اس وقت چٹاگانگ میں دو میچوں پر سیریز کا پہلا ٹیسٹ بھی چٹاگانگ میں کھیل رہی ہے ۔