دبئی (پاک ترک نیوز) انٹر نیشنل کرکٹ کونسل (آئی سی سی ) نے غلطی سے بھارت اور بنگلہ دیش میچ میں ٹاس جیتنے کی مبارکباد بنگال ٹائیگرز کو دی تاہم تصویر کینیڈین ٹیم کی لگا دی ۔
تفصیلات کے مطابق گزشتہ روز ٹوئٹر پر آئی سی سی کے آفیشل اکاؤنٹ پر ٹاس سے متعلق تفصیلات شیئر کی گئیں، جس میں لکھا گیا کہ بنگلادیش نے ٹاس جیت لیا ہے، کیا اب وہ میچ میں بھی بھارت کو شکست دے سکیں گے ؟لیکن اس پوسٹ کے ساتھ تصویر کینیڈا کرکٹ ٹیم کی لگا دی گئی۔کچھ ہی دیر میں غلطی کا احساس ہونے پر پوسٹ ڈیلیٹ کر دی گئی لیکن تب تک اس کے اسکرین شاٹس وائرل ہو چکے تھے۔
آئی سی سی کے اس اقدام پر صارفین کی جانب سے خوب مذاق اڑیا گیا ۔
یاد رہے کہ گزشتہ روز تین میچوں کی سیریز کے دوسرے ون ڈے میچ میں بنگلادیش نے بھارت کو شکست دے کر دو صفر کی فیصلہ کن برتری حاصل کر لی ہے۔