میڈرڈ (پاک ترک نیوز)
ریال میڈرڈ کے فرانسیسی فارورڈ کریم بینزیما نے ہسپانوی فٹ بال کلب کے دوسرے آل ٹائم ٹاپ اسکورر کے طور پر راؤل گونزالیز کے ریکارڈ کو برابر کر دیا ہے۔
ریال میڈرڈ میں 2009 سے باقاعدہ شمولیت کے بعد بینزیمانے جمعرات کی شب کو لیونٹے کے خلاف ریال میڈرڈ کے یک طر فہ میچ میں جسے وائٹس نے صفر کے مقابلے میں چھ گول سے جیتاتھا۔کریم بینزیما نے کلب کی جانب سے اپنے مجموعی طور پر 323 گول پورے کئے۔قبل ازیںریئل میڈرڈ کے ہسپانوی لیجنڈ 44 سالہ راؤل نے 1994-2010 میں 323 گول کیے تھے۔
ہسپانوی کلب کے اب تک کے سب سے زیادہ اسکورر 451 گول کے ساتھ پرتگالی سپر اسٹار کرسٹیانو رونالڈو ہیں ۔ جو اب مانچسٹر یونائیٹڈ کے فارورڈ ہیں –
34 سالہ سابق اولمپک لیون فارورڈ بینزیما کا ریئل میڈرڈ کے ساتھ جون 2023 تک معاہدہ ہے۔
بینزیما شاندار سیزن گزار رہے ہیں، 44 میچوں میں 44 گول اسکور کرچکے ہیں۔انہوں نے ریال میڈرڈ کے ساتھ چار یوئیفا چیمپئنز لیگ ٹائٹل اور چار ہسپانوی لا لیگا ٹائٹل جیتے ہیں۔