واشنگٹن (پاک ترک نیوز) مشہور ترک ڈرامے ارطغرل غازی کے مرکزی کرداروں میں شامل جلال آل المعروف غازی عبدالرحمان الپ امریکا کے دورے پر ہیں ۔ جہاں وہ مشہورپاکستانی صحافی عارف حقی عارف کے مہمان بنے ۔ ڈاکٹر جواد عارف نے اپنی رہائش گاہ پر اجتماعی سحری کا اہتمام کیا ۔
جلال آل کی جانب سے ترجمانی کے فرائض جسیم غازی کلچ نے انجام دیئے جسیم غازی کلچ بھی ارطغرل غازی کے ایک اور کردار غازی کلچ کے بیٹے ہیں اور روزویل میں ہی رہتے ہیں ۔ سحری کے بعد نمازفجر بھی جلال آل کی امامت میں ادا کی گئی ۔ عارف حقی عارف نے جلال آل کو جناح کیپ اور ڈاکٹر جواد عارف نے چترالی ٹوپی تحفے میں دی ۔
اجتماعی سحری میں شریک ہونے والوں میں ایم اے ایس کے عبدالغفور ، ترک نوجوان مصطفے ترحان ، مسلم کمیونٹی قاسم مسجد کے امام عامر نذیر اور ان کے بیٹے حسن عامر ، اعجاز عارف اور ان کے بیٹے محمد عبداللہ عارف ، عمر چوہدری ، عظیم احمد ، اھمد سعود صدیقی ، ان کے بیٹے اجلال صدیقی اور احمد صدیقی ، محمد علی اور طحہ صلاح الدین شامل تھے ۔