ترک صدر طیب ایردوان آج آذربائیجان پہنچیں گے

باکو (سید رضا/پاک ترک نیوز)ترک صدر رجب طیب ایردوان آج تیسری بار آذربائیجان پہنچ رہے ہیں۔ ترک صدر اپنے ہم منصب الہام علیوف سے ملاقات کریں گے اورآرمینیا کے قبضے سے گزشتہ برس آزاد کرائے گئے کاراباخ کے ضلع فضولی میں بین الاقوامی ہوائی اڈے کی افتتاحی تقریب میں شرکت کریں گے ۔

رواں سال ترک صدر رجب طیب ایردوان نے کاراباخ کے ثقافتی دارالحکومت شوشاکا دورہ کیا تھا جہاں ایردوان اورالہام علیوف نے شوشا اعلامیہ پر دستخط کیے ،جس کے تحت ترکی اور آذربائیجان کسی بھی بیرونی خطرے سے نمٹنے کے لیے مل کر کام کریں گے۔ایک معاہدہ جو دفاعی تعاون اور نقل و حمل کے نئے راستوں کے قیام پر مرکوز تھا۔
جبکہ گزشتہ برس دسمبر میں ترک صدر ، آذربائیجان کی ناگورنو کارابافتح کی خوشی میں منعقدہ خصوصی پریڈ کے مہمان خصوصی تھے۔