ترکی کی یونیورسٹی میں کورونا وائرس کی ویکسین استعمال کرنے کے بعد اس کے سائیڈ ایفکٹس بالکل سامنے نہیں آئے ہیں اور یہ ویکسین کورونا وائرس کے علاج کے لئے بہترین ہے۔
ترک صوبے کیزری کی ایرسی یس یونیورسٹی کے ریکٹر مصطفیٰ جلیس نے کہا کہ مقامی طور پر تیار کی گئی "ایرو کوو ویکسین” کو 44 رضاکاروں پر استعمال کیا گیا اور ان میں سے ایک رضاکار پر ویکسین کے سائیڈ ایفکٹس نہیں ہوئے۔
انہوں نے کہا کہ ویکسین کے پہلے مرحلے کے تجربات جاری ہیں۔ اب تک 44 رضاکاروں کو ویکسین لگائی جا چکی ہے اور ان میں سے کسی کو بھی سائیڈ ایفکٹس نہیں ہوئے۔ پہلے مرحلے کے کامیاب تجربے نے ویکسین کی کامیابی کے دروازے کھول دیئے ہیں۔
انہوں نے کہا کہ ویکسین کے دوسرے مرحلے کے تجربات جلد شروع کر دیئے جائیں گے۔ مصطفیٰ جلیس نے کہا کہ یونیورسٹی کی ویکسین کو بین الاقوامی لیبارٹریوں میں ٹیسٹنگ کے لئے بھیجا جا چکا ہے۔ انہوں نے کہا کہ ویکسین کے معیار پر کسی طرح کا کوئی سمجھوتہ نہیں کیا جائے گا۔
مصطفیٰ جلیس کے مطابق مقامی طور پر تیار کی گئی یہ ویکسین جلد ہی عام استعمال کے لئے دستیاب ہو گی۔