لاہور(پاک ترک نیوز) دورہ نیدر لینڈز کیلئے قومی کرکٹ ٹیم کا اعلان آئندہ ہفتے ہو گا ۔6سے 11اگست تک قومی ٹیم کا تربیتی کیمپ لاہور میں ہو گا ۔
روٹرڈم روانگی سے قبل قومی کرکٹ ٹیم کا تربیتی کیمپ 6 سے 11 اگست سے تک لاہور میں لگایا جائے گا۔قومی سکواڈ 11 اور 12 اگست کی درمیانی شب لاہور سے نیدر لینڈز روانہ ہوگا۔
تمام کھلاڑی 5 اگست کو نیشنل ہائی پرفارمنس سینٹر لاہور میں رپورٹ کریں گے۔ کیمپ میں طلب کردہ کھلاڑی قذافی اسٹیڈیم لاہور اور این ایچ پی سی میں ٹریننگ کریں گے۔
پاکستان اور نیدرلینڈز کے مابین تین ون ڈے انٹرنیشنل میچز کی سیریز 16 اگست کو روٹر ڈم میں شروع ہوگی۔