لاہور(پاک ترک نیوز) کرکٹ آسٹریلیا نے دورہ پاکستان کیلئے 18رکنی سکواڈ کا اعلان کردیا ۔
ٹیم کی قیادت پیٹ کمنز کریں گے جبکہ سٹیو سمتھ ان کے نائب ہوں گے ۔ دیگر کھلاڑیوں میں عثمان خواجہ، جوش ہیزل ووڈ، تیروس ہیڈ، جوش انگلس، نیتھن لین ،مچل مارش، مچل سٹارک، ڈیوڈوارنر ٹیم میں شامل ہیں۔آشٹن آگر، اسکاٹ بولینڈ، ایلکس کرے، کیمرون گرین، مارکس ہیرس بھی سکواڈ کا حصہ ہیں ۔
آسٹریلیا ٹیم دورہ پاکستان کے دوران تین ٹیسٹ، تین ایک روزہ اور ایک ٹی 20 میچ کھیلے گی۔ دونوں ٹیموں کے مابین پہلا ٹیسٹ میچ4 سے 8 مارچ کو راولپنڈی، 12 سے 18 مارچ کو کراچی اور 21 سے 25 مارچ کو لاہور میں کھیلا جائے گا۔ تین ایک روزہ میچ 29 مارچ، 31 مارچ اور 2 اپریل کو راولپنڈی سٹیڈیم میں کھیلے جائیں گے۔ جبکہ واحد ٹی 20 میچ 5 اپریل کو راولپنڈی سٹیڈیم میں کھیلا جائے گا۔