لاہور(پاک ترک نیوز) انگلش ٹیم کا دورہ پاکستان ، انگلینڈ کرکٹ بورڈ کی کی سکیورٹی ٹیم اگلے ہفتے پاکستان آئے گی ۔
انگلش ٹیم کے دورہ پاکستان کے دوران سات ٹی20 میچز پر مشتمل سیریز کھیلی جائے گی ۔ سیریز کا انعقاد تین شہروں راولپنڈی، لاہور اور کراچی میں ہونے کا امکان ہے تاہم ابھی تک اس کی کوئی باضابطہ تصدیق نہیں کی گئی۔
تفصیلات کے مطابق کے مطابق انگلینڈ کی سکیورٹی ٹیم اپنے دورہ کے دوران ہوٹل کے اطراف اور سٹیڈیم کے راستے سمیت دیگر انتظامات کا جائزہ لے گی۔
انگلش بورڈ کی سکیورٹی ٹیم ملتان کرکٹ سٹیڈیم کا بھی دورہ کرے گی کیونکہ پی سی بی کچھ میچز ملتان میں شیڈول رکھنے کا خواہاں ہے تاہم تین شہروں میں دو مقامات پر سیریز کھیلنے کی توقع کی جارہی ہے۔
انگلینڈ کی کرکٹ ٹیم 15 ستمبر کو پاکستان کا دورہ کرے گی جبکہ تین ہفتوں پر متشمل دورے کے دوران پاکستان 7 میچز کی میزبانی کرےگا۔