دوسرا ٹی ٹونٹی ،پاکستان نے بنگلہ دیش کو شکست دےکر سیریز اپنے نام کرلی

ڈھاکہ (پاک ترک نیوز) تین میچوں کی سیریز کے دوسرے میچ میں پاکستان نے بنگلہ دیش کو 8وکٹوں سے شکست دے کر سیریز اپنے نام کرلی۔
تفصیلات کے مطابق شیر بنگلہ سٹیڈیم میں کھیلے گئے دوسرے ٹی ٹونٹی میچ میں پاکستان نے 109رنز کا ہدف انیسویں اوور کی پہلی گیند پر حاصل کرلیا۔ فخرزمان نے ناقابل شکست 57رنز بنائے ۔
اس سے قبل بنگلہ دیش نے مقررہ بیس اوورز میں 7وکٹوں کے نقصان پر 108رنزبنائے تھے۔ نجم الحسن نے سب سے زیادہ 40رنز سکورکئے تھے ۔ پاکستان کی جانب سے شاداب خان اور شاہین آفریدی نے دو دو کھلاڑیوں کو آئوٹ کیا تھا۔
پاکستان نے مطلوبہ ہدف 18.1اوورز میں 2 وکٹوں کےنقصان پر پورا کرلیا۔ پاکستان نے تین میچوں کی سیریز کے پہلے دو میچ جیت کر سیریز اپنے نام کرلی ہے۔