سری لنکا سے ٹیسٹ میچ سیریز ،قومی ٹیم کولمبو روانہ

لاہور(پاک ترک نیوز) سری لنکا سے دو ٹیسٹ میچوں کی سیریز کیلئے قومی کرکٹ ٹیم آج لاہور سے کولمبو کیلئے روانہ ہو گئی ۔
تفصیلات کےمطابق بابر اعظم کی قیادت میں 18کھلاڑی اور ٹیم مینجمنٹ کے 13ارکان لاہور کے علامہ اقبال انٹرنیشنل ایئر پور ٹ سے سری لنکا کے دارالحکومت کولمبو روانہ ہوئے ۔دورے کے دوران2 ٹیسٹ میچزکی سیریزشیڈول ہے۔
یاد رہے کہ قومی ٹیم 2015 کے بعد پہلی مرتبہ سری لنکا کا دورہ کر رہی ہے، پہلا ٹیسٹ 16 جولائی سے 20 جولائی تک گالے میں کھیلا جائے گا، جبکہ دوسرا ٹیسٹ میچ 24 جولائی سے 28 جولائی تک کولمبو میں شیڈول ہے۔