سوات اور گردونواح میں زلزلے کے جھٹکے

سوات (پاک ترک نیوز) سوات اور گرد و نواح میں زلزلے کے جھٹکے محسوس کئے گئے ۔ زلزلہ کی شدت 4.5ریکارڈ کی گئی ۔
تفصیلات کے مطابق خیبرپختونخوا کے ضلع سوات کے شہر مینگورہ اور اس کے گردونواح میں زلزلے کے جھٹکے محسوس کئے گئے، زلزلہ پیما مرکز کے مطابق ریکٹر اسکیل پرشدت 4 اعشاریہ 5 ریکارڈ کی گئی۔زلزلے کی زیر زمیں گہرائی 120 کلو میٹر تھی، اور اس کا مرکز ہندوکش کا پہاڑی سلسلہ تھا۔
زلزلہ اس قدر شدید تھا کہ لوگ خوف سے گھروں، دکانوں اور دفاتر سے کلمہ طیبہ کا ورد کرتے ہوئے باہر نکل آئے۔ زلزلے کے باعث کسی جانی نقصان کی اطلاع نہیں ملی ۔