کرائسٹ چرچ (پاک ترک نیوز) نیوزی لینڈ میں پاکستان بنگلہ دیش اور میزبان نیوزی لینڈ کے درمیان جاری سہ ملکی سیریز میں کل پاکستان کا مقابلہ میزبان نیوزی لینڈ سے ہو گا ۔قومی فاسٹ بائولر نسیم شاہ فٹ ہو گئے کل کے میچ میں دستیاب ہوں گے ۔
تفصیلات کے مطابق سہ ملکی سیریز میں کل پاکستان کا مقابلہ نیوزی لینڈ سے ہو گا ۔ پاکستانی ٹیم کیلئے اچھی خبر قومی فاسٹ بائولر نسیم شاہ فٹ ہو گئے اور کل کے میچ کیلئے دستیاب ہوں گے ۔
اس سے قبل سہ ملکی سیریز میں شاہین اپنے پہلے دونوں میچز جیت چکے ہیں جبکہ میزبان نیوزی لینڈ گزشتہ روز بنگلہ دیش کو شکست سے دوچار کیا تھا ۔
نیوزی لینڈ پہنچنے کے بعد نسیم شاہ وائرل انفیکشن کا شکار ہوگئے تھے۔ وائرل انفیکشن کے شکار دوسرے پیسر محمد حسنین نے بھی ٹریننگ کا آغاز کردیا ہے تاہم ابھی میچ فٹ نہیں۔
عثمان قادر کی صورت میں پاکستانی ٹیم کے کیمپ میں موجود تیسرے ان فٹ پلیئر پہلے ہی نیوزی لینڈ میں جاری سہ ملکی سیریز سے باہر ہوچکےہیں، انگوٹھے میں فریکچر کی وجہ سے ڈاکٹرز نے انہیں سولہ اکتوبر تک آرام کرنی کی ہدایت کررکھی ہے۔