شکریہ، چمکتے رہیں اور بلندی حاصل کرتے رہیں، آپ کیلئے میری نیک تمنائیں ہیں

لاہور(پاک ترک نیوز) شکریہ، چمکتے رہیں اور بلندی حاصل کرتے رہیں، آپ کیلئے میری نیک تمنائیں ہیں۔‘سابق بھارتی کپتان ویرات کوہلی نے قومی ٹیم کے کپتان بابر اعظم کی ٹویٹ کا جواب دے دیا۔

بھارت کے سٹار بیٹر ویرات کوہلی ان دنوں ناقص کارکردگی کی وجہ سے تنقید کی زد میں ہیں۔گزشتہ دنوں بھارتی کرکٹ بورڈ نے دورہ ویسٹ انڈیز کیلئے آؤٹ آف فارم ویرات کوہلی کو ٹیم سے باہر کیا۔
ویرات کوہلی نے بابر کی ٹوئٹ پر جواب دیتے ہوئے لکھا کہ ’شکریہ، چمکتے رہیں اور بلندی حاصل کرتے رہیں، آپ کیلئے میری نیک تمنائیں ہیں۔‘
یاد رہے کہ گزشتہ دنوں بابر اعظم نے سوشل میڈیا پر اپنی ویرات کوہلی کے ساتھ ٹی 20 ورلڈ کپ کی تصویر شیئر کرتے ہوئے ویرات کے لیے لکھا تھا کہ ’مضبوط رہیں، یہ وقت بھی گزر جائے گا۔‘